東張西望︳美華獲派單人公屋不再露宿街頭 阿娟反控身分被曝光 搵唔到工？

《東張西望》再次跟進李鄭屋邨聾啞女士美華的家庭糾紛事件，美華已入住房署安排的單人公屋，並獲善心人及義工協助，添置日常必備的家具、電器，生活重拾正軌，告別露宿街頭的苦況。

{{hket:inline-image name="04011008.png"}}{{/hket:inline-image}}

{{hket:inline-image name="04011010.png"}}{{/hket:inline-image}}

同場加映：飛虎3壯志英雄丨蔡思貝認表裡不一軟弱時需要陪伴「事業未成唔會諗結婚生仔」

{{hket:ul-video id="5494"}}{{/hket:ul-video}}

美華去年同惡霸保安阿娟的爭屋事件曝光後，她再沒有返舊居，並於去年12月入稟高等法院，向阿娟爭取應有的四成業權。同時美華入住單人公屋，新屋最初只得床及飯枱，未有配備熱水爐、煮食爐，不便日常生活。這日《東張西望》見證善心人及義工協助下，幫美華安裝熱水爐同煮食爐，又帶來其他善心人捐贈的雪櫃、微波爐等電器，令美華開心得不時講多謝。

東張西望│惡霸阿娟稱因美華導致情緒失控 被家人鬧始認錯 網友：貓哭老鼠【下一頁】

美華回想當日到運動場沖涼，至今仍然很難忘，「要朋友陪，兩個人先敢去，因為要朋友幫我睇住啲物品先可以安心沖涼。有時入面好凍，沖涼要沖得好快，同埋要快啲着衫。仲有……有時有啲婆婆同我爭用廁所，要好大聲同佢哋講『呢格我嘅』，要快啲霸位先可以沖到。而家可以開心沖涼，多謝！」美華坦言有煮食爐後最想煲湯，因為昔日父母常常煲很好味的湯給她，每次一定飲晒。

除了解決住宿問題，美華日常會返社區中心，並愛上手工摺紙，生活可謂重拾正軌。聾人福利機構手語翻譯主任馬芬燕給予美華的評價：「以前嘅佢成日獨來獨往，好似好隱蔽咁，好多時收埋自己又皺眉頭，甚至唔想同人傾偈。但而家見佢面露好多笑容，喺度識到好多朋友，願意作出唔同嘗試，見到佢好大轉變，踏出一個新開始。」美華整個人變得開朗，更不時私訊《東張西望》聯絡人，分享年輕時舊照。

東張西望│惡霸阿娟態度180度轉變認錯 配鎖匙畀美華入屋兼下跪道歉【下一頁】

至於保安阿娟的情況，《東張西望》主持人李旻芳對上一次陪同美華返舊居執拾行李時，並未見到阿娟，而最近一次再到上址，按門鐘時沒有人應門。據同層街坊透露，阿娟會24小時亮燈，不多見到她。對於有消息指阿娟想打官司，反控美華令她身分曝光致搵工難，街坊們認為阿娟沒有好好照顧美華，應該是她作出賠償才對，亦覺得是阿娟霸佔別人居所才發生這些事情，否則也不會有人報道出來。

（↓點擊圖片放大↓）

有關美華同阿娟的官司，聾人福利機構創辦人邵日贊表示：「因為之前我哋上法庭嘅入稟狀，嗰幾項訴求，對方係唔同意，同埋進行一個反駁，所以法庭排期上去申辯。其實我哋都想快啲，之前希望喺農曆年前可以排到期，但係到而家仲未得，惟有等啦！我哋都好心急。」

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】